މުޅި ޤައުމު ފަނާކޮށްލި ބަޔަކާއެއްކޮޅަށް ވާހަކަފުޅުދައްކާ ބޭފުޅުންގެ ވިސްނުންހުރީ އަމިއްލަ މަސްލަހަތު ހިމާޔަތްކުރަންކަމަށާއި، މުޅި ޙަޔާތް އެންމެ ފަރުދަކަށްޓަކައި ބޭކާރުކޮށްލަން ނުޖެހޭކަމަށް ޕީޕީއެމްގެ ސެނެޓަރ މުޙައްމަދު ލަމްޢާން ވިދާޅުވެއްޖެއެވެ.
ރައީސް ޔާމީން ކޮންމެ ރެއަކު ޖަލްސާ ބާއްވައި ސަރުކާރަށް ފާޑު ވިދާޅުވަމުންދާ ދަނޑިވަޅެއްގައި، ސޯޝަލްމީޑިއާގައި ޢާއްމުކުރެއްވި މެސެޖެކާއިއެކު ލަމްޢާން ވިދާޅުވީ ކެތްތެރިކަމާއިއެކު ހުންނެވޭތޯ ބެއްލެވިކަމާށާއި އެކަމަކު މިހާރު ކެތްތެރިކަން ކޮޅުން ލައިފިކަމަށެވެ.
ލަމްޢާން އިތުރަށް ވިދާޅުވީ ޕާޓީ އާއި ސަޕޯޓަރުންނާއި އަސްލު ފިކުރުދޫކުރައްވައި ވަޑައިނުގަންނަވާކަމަށާއި، ޕީޕީއެން/ ޕީއެންސީ ލީޑަރޝިޕުން ވެސް އެގޮތް ބޭނުންފުޅު ނުވާކަމަށެވެ.
"2018ގެ ވެރިކަން ވައްޓާލަން އުޅުނު ދެމީހެއްގެ ބަހަށް ހެއްލި މި ހުރިހާ ކަމެއް ދޫކޮށްލާފަ ވަޑައިތީ ރައީސް ޔާމީން. މުޅި ޤައުމު ފަނާކޮށްލި ބަޔަކާއެއްކޮޅަށް ވާހަކަފުޅުދައްކާ ބޭފުޅުންގެ ވިސްނުންއެހެރީ އަމިއްލަ މަސްލަހަތު ހިމާޔަތްކުރަން." ލަމްޢާން ވިދާޅުވިއެވެ.
ރައީސް ޔާމީން ބާއްވަމުން އަންނަ ޖަލްސާތަކުގައި ސީޔާސީ އިސް ސަފުގައި މީގެ ކުރިން ތިއްބަވާ އެއްވެސް ބޭފުޅަކު އެމަނިފާނު ބާއްވާ ޖަލްސާތަކުން ނުފެނެއެވެ. އެންމެ ކުރީސަފުން ފެނިގެން ދަނީ އެމަނިކުފާނުގެ ވެރިކަމުގައި އެމަނިކުފާނުގެ ނައިބަކަށް ހުންނެވުމަށްފަހު 2018 ވަނަ އަހަރު ވެރިކަން ވައްޓާލަން މަސައްކަތްކުރުމުގެ ތުހުމަތުގައި އެކަހެރިކުރެއްވި މުޙައްމަދު ޖަމީލު އަހުމަދު އާއި ކޮއްކޯފުޅު މަލީހް ޖަމާލު އެކަންޏެވެ.
ލަމްޢާން ވިދާޅުވީ، ލީޑަރޝީޕް އާއި އަމިއްލަފުޅު ފިކުރަކީ “އެންމެ ފުރަތަމަ ޤައުމު”ހިމެނޭ ޝިޢާރުކަމަށެވެ.
ލަމްޢާން ކުރައްވާފައިވާ ޓުވީޓް
ފުކެއް ބޮޑުވަރު، ކުރާ ގަދަރުގެ ބޮޑުކަމުން އެއްޗެކޭ ނުބުނެ ހުންނަން ވަރަށް ކެއްކޮށްފިން ނަމަވެސް މިހާރު ކަންކަން ކޮޅުންލައިގެން ގޮސްފި، ޕާޓީއާއި ސަޕޯޓަރުންނާއި އަސްލު ފިކުރު ދޫކޮށްލައިފައި ދިޔައީ އަޅުގަނޑެއް އަދި ޕީޕީއެން/ ޕީއެންސީގައި މިތިއްބެވި ލީޑާޝިޕް ބޭފުޅުންނެއްނޫން، 2018ގެ…
— Lam’aan (@mohamedlamaan) April 17, 2024
މިލިޔުމާއިގުޅޭ:
ތަސައްވުރާއި އެއްގޮތަށް ތަރައްޤީ ކުރުމަށް ފުރިހަމަ ޤާނޫނީ ބާރު ވެރިކަން މި ސަރުކާރަށް ދޭންޖެހޭ - ލަމްޢާން
