އަފްޣާނިސްތާނުން ފިޔާ އެކްސްޕޯޓުކުރުން މަޑުޖައްސަން ނިންމާފައިވާ ކަން އެ ގައުމުން ހާމަކޮށްފިއެވެ.
އަހަރުގެ މިހާ ހިސާބުގައި އާންމުކޮށް އަފްޣާނިސްތާނުގައި 7 ކިލޯ ފިޔާ ލިބޭނީ 30 އަފްޣާނީއަށެވެ.
އަފްޣާނިސްތާނުގެ ޗެމްބަރ އޮފް އެގްރިކަލްޗަރ އެންޑް ލައިވް ސްޓޮކްއިން ނެރުނު ބަޔާނެއްގައި ބުނެފައި ވަނީ ވާރޭނުވެހި ގިނަ ދުވަސްވުމާއެކު ހަނަފަސްވުމުގެ ސަބަބުން އެ ޤައުމުގައި ފިޔާ އުފައްދާ މިންވަރު މަދުވެފައިވާކަމަށެވެ. އަދި މިކަމުގެ ސަބަބުން ފިޔާގެ އަގު އުފުލި ފައިވާ ކަންވެސް އެ ބަޔާނުގައި ފާހަގަކުރިއެވެ.
މިއާއެކު އެ ގައުމަށް ބޭނުންވާ ވަރަށް ފިޔާފޯރުކޮށް ދިނުމުގެ ގޮތުން ފިޔާ އެކްސްޕޯޓުކުރުން އަފްޣާނިސްތާނުންމިވަނީ މަޑުޖައްސާލައިފައެވެ. މިވަގުތު 7 ކިލޯ ފިޔާގެއަގު 200 އަފްޣާނީއަށް އެ ގައުމުގައި ވަނީ އުފުލިފައެވެ. މިއީ ދިވެހި ރުފިޔާއިން ބަލާނަމަ ގާތްގަޑަކަށް 35 ރުފިޔާއެވެ.
