ކުވައިތުގެ ޤައުމީ އެއަރލައިން ކުވައިތު އެއަރވޭސްގެ ދަތުރުތައް އަންނަ އޮކްޓޯބަރ މަހު ރާއްޖެއަށް ފެށުމަށް ހަމަޖެހިއްޖެއެވެ. މިއަހަރުގެ ފުރަތަމަ 6 މަސްދުވަހު ކުވައިތުން ރާއްޖެއަށް 4325 ފަތުރުވެރިން ވަނީ އައިސްފައިވާކަން ފާހަގަކޮށްލެވެއެވެ.
މިދިޔަ އަހަރުގެ މި މުއްދަތުގައި ކުވައިތުން ރާއްޖެ އައިސްފައިވަނީ 1274 ފަތުރުވެރިންނެވެ.
އޮކްޓޯބަރ 31 ވަނަ ދުވަހު ކުވައިތު އެއަރވޭސްގެ ދަތުރުތައް ރާއްޖެއަށް ފަށާއިރު ހަފްތާއަކު 2 ދަތުރު އެ އެއަރލައިނުން ރާއްޖެއަށް ކުރާނެއެވެ. މި ދަތުރުތަކުގައި އެ އެއަރލައިނުން ބޭނުންކުރާނީ އެއަރބަސް އޭ320 މަރުކާގެ ބޯޓެވެ.