ވިދި ވިދިގެން ކުޅުނު ހަ މެޗުން ވެސް ގޯލެއް ނުޖެހި ކްރިސްޓިއާނޯ ރޮނާލްޑޯ އަށް ލިބިފައިވާ މާޔޫސްކަން ފިލައިފިއެވެ.
ރޭ ބްރައިޓަން އާއި ދެކޮޅަށް ކުޅުނު މެޗުން 2-0 އިން މެންޗެސްޓާރ ޔުނައިޓެޑް މޮޅުވެފައިވާ އިރު މޮޅު ކުޅުމެއްދައްކައި ކްރިސްޓިއާނޯ ރޮނާލްޑޯ ވަނީ މެޗްގެ ފުރަތަމަ ގޯލް ޖަހާ ކުރި ހޯދާފައެވެ.
ދެވަނަ ހާފްގައި ފޯރިގަދަކޮށް ދިޔަ މެޗްގައި ލިވިސް ޑަންކް އަށް ދެއްކުނު ރަތް ކާޑާއި އެކު ދަނޑުން ބޭލުނެވެ. މެޗްގެ ދެވަނަ ގޯލް ޖަހާފައިވަނީ 90 މިނިޓް ކުޅުން ނިމި ލިބުނު އިތުރު ވަގުތުގައެވެ.