ބިލިއަނަރު ބިލްގޭޓްސް އޭނާގެ ބްލޮގްގައި ލިޔެފައިވާގޮތުން، ރޮބޮޓިކްސްއާ ބެހޭ ގޮތުން އޭނާގެ ޚިޔާލުތަކާއި ކުރިއަށް އޮތްތަނުގައި އަހަރެމެންގެ ދިރިއުޅުމާއި މަސައްކަތްކުރާ ގޮތް ބަދަލުކުރެވޭނެ ގޮތްތައް ހިއްސާކޮށްފައިވެއެވެ.
އެ ލިޔުމުގައި ވާގޮތުން، ރޮބޮޓިކްސް އަކީ ޓެކްނޮލޮޖީގެ ދެން އޮތް ފްރޮންޓިއަރ އެވެ. ފަހަކަށް އައިސް އާޓިފިޝަލް އިންޓެލިޖެންސް އަށް ލިބުނު ކުރިއެރުންތަކުގެ ސަބަބުން އޭއައި އިންޓަގްރޭޓްކޮށް ޑިޕްލޮއި ކުރުމުގެ މަސައްކަތް ވަނީ އަވަސްވެފަ އެވެ. ދުނިޔޭގެ ގިނަ ކުންފުނިތަކުން ވަނީ އެކި ޔޫސް ކޭސްތަކަށް ތައްޔާރުކޮށްފައިވާ ރޮބޮޓްތަކުގައި އެއައި އިންޓަގްރޭޓްކޮށްފަ އެވެ. އެއައިގެ ވޯކަލް ޕްރޮޕޮނޭންޓެއް ކަމަށްވާ ބިލިއަނަރު ބިލް ގޭޓްސް ވަނީ ރޮބޮޓިކްސް ޓެކްނޮލޮޖީގެ ކުރިއެރުންތަކާ ބެހޭ ގޮތުން އޭނާގެ ޚިޔާލުތައް ހިއްސާ ކުރުމަށް އޭނާގެ ބްލޮގަށް ވަދެފަ އެވެ.
އޭނާގެ ޕޯސްޓުގައި ގޭޓްސް ވަނީ ރޮބޮޓިކްސް ޓެކްނޮލޮޖީގެ ދާއިރާއިން ލިބުނު ހަލުވި ކުރިއެރުމާއި އަހަރެމެން ދިރިއުޅޭ ގޮތާއި މަސައްކަތްކުރާ ގޮތް ބަދަލުކޮށްދޭނެ ކަމަށް ރޮބޮޓްތަކުން ލިބޭ ފުރުސަތުތަކާ މެދު އުފާވެރިކަން ފާޅުކޮށްފަ އެވެ. ބައެއް ލިމިޓެޝަންތައް ފާހަގަކުރެއްވި ނަމަވެސް، އެއައިގައި އާ އުފެއްދުންތަކުގެ ސަބަބުން އުނގެނުމާއި، ވިސްނުން ފަދަ ދާއިރާތަކުން އިންސާނާ ފަދަ ގާބިލްކަން އިތުރުވާނެކަމަށް ވެސް އޭނާ ވިދާޅުވި އެވެ.
އުމުރުން 68 އަހަރުގެ ގޭޓް ވިދާޅުވީ، ރޮބޮޓްތަކުން ނުރައްކާތެރި އަދި ފުރިހަމަ ނުވާ ވަޒީފާތައް އަދާކޮށް، މީހުން ރައްކާތެރިކޮށް، ދުޅަހެޔޮ، އަދި އުފެއްދުންތެރިކަން އިތުރުކޮށްދެ އެވެ. އޭނާ ކުރިއަށް ގެންދެވީ އިންސާނުންނާ އެއްވެސް ދަތިކަމެއް ނެތި މުއާމަލާތް ކުރެވޭ ހިއުމަނޮއިޑް ރޮބޮޓްތައް އުފެއްދުމުގައި އެންމެ ކުރީގައި ތިބި ބައެއް ރޮބޮޓިކްސް ކުންފުނިތަކުގެ މައްޗަށް އަލިއަޅުވާލައްވަމުންނެވެ. އަދި ކުރިއަށް އޮތްތަނުގައި ސިއްހީ ޚިދުމަތާއި ދަނޑުވެރިކަމާއި އުފެއްދުންތެރިކަމާއި އަދި ގޭގޭގައި ވެސް ރޮބޮޓްތައް ހަރަކާތްތެރިވުމުގެ ފުރުސަތު އޮތް ކަމަށް އޭނާ ދެކެވަޑައިގަންނަވަ އެވެ.
ގޭޓްސް ވަނީ ރޮބޮޓްތަކުން ވަޒީފާތަކާ ހަވާލުވުމުގެ ބިރު ކޮންމެވެސް ވަރަކަށް އޮތްކަމަށް ޤަބޫލުކުރައްވާކަމަށް ވިދާޅުވެފައެވެ. ނަމަވެސް އޭނާއަށް ދެކޭ ގޮތުގައި ސަރުކާރުތަކާއި އަމިއްލަ ފަރާތްތަކުން މި ބަދަލަށް ހިތްވަރު ދިނުމަށް މީހުންނަށް އެހީތެރިވާން ޖެހޭނެ ކަމަށެވެ.
