ކޭޕޮޕް ގްރޫޕްތަކުގެ ތެރެއިންވެސް އެންމެ މަގުބޫލު އަދި އެންމެ ބޮޑު ގްރޫޕް ކަމަށްވާ ބީޓީއެސް، އެމެރިކާގެ ވައިޓްހައުސްއަށް ޒިޔާރާތްކޮށް އެމެރިކާގެ ރައީސް ޖޯ ބައިޑެންއާއި ބްއްދަލުކޮށްފިއެވެ.
ބީޓީއެސްއިން ވައިޓްހައުސްއަށް ޒިޔާރާތްކުރީ އޭޝިއަން އެމެރިކަން އެންޑް ނޭޓިވް ހަވާއިއަން ޕެސިފިކް އައިލެންޑާ ހެރިޓޭޖް މަހާއި ގުޅިގެންނެވެ. އެއީ އޭޝިއާ ދަރިކޮޅުގެ އެމެރިކާ މީހުންނަށް ކުރިމަތިވާ އެކި އެކި ގޮންޖެހުންތަކާއި ނުރައްކާތަކާއި އަނިޔާތަކަށް ހޭލުންތެރިކުރުމުގެ ގޮތުންނެވެ.
މި ޒިޔާރަތުގައި ބީޓީއެސްއިން ވަނީ ރައީސް ޖޯ ބައިޑެންއާއި ބައްދަލުކޮށް އޭޝިއާ ނަސްލުގެ މީހުންނަށް ހުރި ގޮންޖެހުންތްކާ ގުޅޭގޮތުން މަޝްވަރާ ކޮށްފައެވެ.
ވައިޓްހައުސްގައި ބީޓިއެސްއިން ބޭއްވި ނޫސްވެރިންގެ ބައްދަލުވުމުގައި އެ ގްރޫޕުން ވަނީ ނަސްލީތަފާތު ކުރުންތަކާއި އަނިޔާތައް ހުއްޓާލަން ގޮވާފައެވެ.
