އިނގިރޭސިވިލާތުގައި ވެރިކަންކުރާ ޕާޓީގެ ލީޑަރު އަދި އިނގިރޭސިވިލާތުގެ ބޮޑުވަޒީރު ބޮރިސް ޖޯންސަންގެ ބަދަލުގައި މީހަކު ނެގުމުގެ މަސައްކަތް މިހާރު އެގައުމުގައި ބާރަށް ކުރިއަށް އެބަދެއެވެ
މިމަސައްކަތުގައި ގާނޫނު ހަދާ މަޖިލީހުގެ 11 ބޭފުޅަކު އިސްކޮށް ޙަރަކާތްތެރިވެއެވެ. އަދި މިހާތަނަށް ޖުމްލަ 20 ފަރާތެއް ވާދަކުރައްވާނެކަން ވަނީ ކަށަވަރުވެފައެވެ.
މިއިންތިހާބު ބާއްވަންޖެހުނީ ބޮރިސް ޖޯންސަން އާއި ގުޅޭ ގިނަ މައްސަލަތަކެއް ފެންމަތިވެ ކުރިމަތި ކުރިމަތި ކުރުވި ޕްރެޝަރާއިހެދި އިސްތިޢުފާ ދެއްވުމުންނެވެ. އެގައުމުގެ ގާނޫނު ހަދާ މަޖިލީހުގެ ގިނަ މެމްބަރުން ވިދާޅުވީ ބޮރިސް އިސްތިއުފާ ދެއްވަން ޖެހޭ ކަމަށެވެ. އަދި ބޮރިސް ވިދާޅުވީ ބުރާސްފަތި ދުވަހު އިސްތިޢުފާ ދެއްވާނެކަމަށެވެ.
ވޯޓުލުން ދެބުރަކަށް ދެމިގެންދާއިރު އާވެރިޔަކު ހޮވުމުގެ އިންތިޚާބު އޮންނާނީ އަންނަ ސެޕްޓެމްބަރު މަހުގެ 5 ވަނަ ދުވަހުއެވެ.