އަންދްރޭސް އިނިއެސްޓާ, ޔުނައިޓެޑް އަރަބް އެމިރޭޓްސް (ޔޫއޭއީ) ގެ ޕްރޯ ލީގުގެ އެމިރޭޓްސް ކްލަބާ ގުޅުނީ އެއް އަހަރުގެ ކޮންޓްރެކްޓެއްގެ ދަށުންނެވެ.
އުމުރުން 39 އަހަރުގެ ސްޕެއިން އަދި ބާސެލޯނާގެ ލެޖެންޑް އޭނާގެ އެއްބަސްވުމުގައި ސޮއިކުރުމުގެ ކުރިން ވަނީ ހޯމަ ދުވަހު ދުބާއީއަށް ދަތުރުކޮށްފައެވެ.
މި ކޮންޓްރެކްޓާއިއެކު ވެޓެރަން މިޑްފީލްޑަރަށް 2025 ވަނަ އަހަރުގެ ޖޫން މަހުގެ ނިޔަލަށް އެޤައުމުގައި މަޑުކުރުމުގެ ފުރުސަތު ލިބިގެންދާނެ އެވެ.
މިދިޔަ ފަސް ސީޒަން ޖަޕާނުގައި ވިސެލް ކޯބޭ އަށް ކުޅެމުން އައި އިނިއެސްޓާ އެމިރޭޓްސް ކްލަބާ ގުޅެނީ ފްރީ އޭޖެންޓެއްގެ ގޮތުގަ އެވެ.
Welcome #iniesta in #emiratesclub 💚🔥😍 @andresiniesta8 @fabriziorom @liveherewego_ pic.twitter.com/Ak52cyEvNY
— شركة نادي الامارات لكرة القدم (@Emirates_FC) August 7, 2023
އިނިއެސްޓާ ވަނީ ބާސެލޯނާއާއެކު ލަލީގާގެ ނުވަ ތަށި އަދި ޗެމްޕިއަންސް ލީގުގެ ހަތަރު ތަށި ހޯދައިފަ އެވެ. ސްޕެއިންއާއެކު އޭނާ ވަނީ 2010 ވަނަ އަހަރުގެ ވޯލްޑް ކަޕާއި 2008 ވަނަ އަހަރާއި 2012 ވަނަ އަހަރު ބެކް ޓު ބެކް ޔޫރޯ ޗެމްޕިއަންކަން ހޯދާފައެވެ.
