ސައުދިއަރަބިއާގެ ފުޓުބޯޅަ ކްލަބް އަލް-ނަސްރު، އޭއެފްސީ ޗެމްޕިއަންސް ލީގުގައި އިއްޔެ ކުޅުނު މެޗްގައި ކްރިސްޓިއާނޯ ރޮނާލްޑޯ ވަނީ އެޓީމަށް ދެ ގޯލު ޖަހައިދީފައެވެ.
ސައުދީ ޕްރޯ ލީގުގެ ޓީމަށް ގަތަރުގެ އަލް ދުހައިލް އަތުން ރިޔާދްގައި 4-3 އިން މޮޅުވެ އޭޝިއަން ޗެމްޕިއަންސް ލީގުގެ ގްރޫޕް އީގައި ކުޅުނު ތިން މެޗުން ވަނީ ނުވަ ޕޮއިންޓް ހޯދައިފައެވެ.
މެންޗެސްޓާ ޔުނައިޓެޑާއި ރެއާލް މެޑްރިޑްގެ ކުރީގެ ފޯވާޑްގެ ޕާހަކުން 25 ވަނަ މިނެޓުގައި އެންޑަސަން ޓަލިސްކާ ގޯލް ޖަހައި، ދެވަނަ ލަނޑު ސާޑިއޯ މާނޭ ކާމިޔާބުކޮށްދިންއިރު، 61 ވަނަ މިނެޓުގައި ރޮނާލްޑޯ ވަނީ ދުރުން ގޯލު ޖަހައި އަލް ނަސްރަށް ތިން ލަނޑުގެ ލީޑެއް ހޯދައިދީފަ އެވެ.
އިސްމާއީލް މުހައްމަދާއި އަލްމޯއޭޒް އަލީ އަލް ދުހައިލް ދެ ގޯލް ޖަހައި އަނބުރާ އިތުރަށް ވާދަވެރިކަން ދަމައިގަތުމުގެ ކުރިން 81 ވަނަ މިނެޓުގައި ރޮނާލްޑޯގެ ވޮލީއަކުން ދެ ގޯލުގެ ކުރިއެރުމެއް އަލުން ހޯދައިދިފައެވެ. މެޗު ނިމެން ފަސް މިނެޓަށް ވެފައިވަނިކޮށް މައިކަލް އޮލަންގާ ވަނީ އަލް ދުހައިލްގެ ތިން ވަނަ ލަނޑު ޖަހައި މެޗްގެ ފޯރި ގަދަކޮއްފައެވެ.
މި މޮޅާއެކު އަލްނަޞްރު ވަނީ އީރާނުގެ ޕާސެޕޮލިސްއަށްވުރެ ތިން ޕޮއިންޓް ކުރިއަށް ޖެހިލާފައެވެ.
މުބާރާތުގެ 10 ގްރޫޕުގެ ތެރެއިން ކޮންމެ ގްރޫޕަކުން އެއްވަނަ އެކަނި ފަހު 16 އަށް ދާއިރު، ދެން ނަގާނީ ދެ ވަނާގައޮތް އެންމެ 6
