ކަރަބައޯ ކަޕް އެންމެ ފަހުގެ ޗެމްޕިއަން މެންޗެސްޓާ ޔުނައިޓެޑުން ކަޓުވާލައި ނިއުކާސަލް ޔުނައިޓެޑް ކުއާޓާ ފައިނަލުގައި ކުޅޭނީ ޗެލްސީއާއި ދެކޮޅަށެވެ. ރެކޯޑް ނުވަ ފަހަރު މޮޅުވި ލިވަޕޫލް ބައްދަލުކުރާނީ ވެސްޓްހަމް ޔުނައިޓެޑެވެ.
މިދިޔަ އަހަރުގެ މޮޅު ޓީމު 3-0 އިން އޯލްޑް ޓްރެފޯޑްގައި ނިއުކާސަލް އިން ނިކަމެތި ގޮތަކަށް ބަލިކޮށް، މިހާރު ކުޅޭނީ އުނދަގޫ ޗެލްސީ ޓީމަކާ ދެކޮޅަށެވެ.
ވެސްޓްހަމް އިން ކުއާޓާ ފައިނަލް ދަތުރުކުރީ، ލަންޑަން ސްޓޭޑިއަމްގައި އާސެނަލް 3-1 އިން ބަލި ކުރިމަށް ފަހުއެވެ.
ބާކީ މިހާރު ތިބި އަށް ޓީމުގެ ތެރެއިން މީގެ ކުރިން ލީގު ކަޕް ތަށި އުފުލާލާފައިވަނީ އެންމެ ތިން ޓީމެވެ.
އާދިއްތަ ދުވަހު ލީގު ދޭއްގެ މެންސްފީލްޑް ޓައުން އަތުން 1-0 އިން މޮޅުވެ، ޕޯޓް ވެލް ކުއާޓާ ފައިނަލަށް ދަތުރުކޮށްފައި އެވަނީ ތާރީހުގައި ވެސް ފުރަތަމަ ފަހަރެވެ.
ކުއާޓާ ފައިނަލްގެ މެޗުތައް ކުޅޭނީ ޑިސެމްބަރު މަހުގެ 18 ވަނަ ދުވަހުގަ އެވެ.
ކަރަބައޯ ކަޕްގެ ކުއާޓާ ފައިނަލުގެ ގުރުއަތުލުން:
އެވަޓަން vs ފުލަމް
ޗެލްސީ vs ނިއުކާސަލް
ޕޯޓް ވެލް vs މިޑިލްސްބްރޯ
ލިވަޕޫލް vs ވެސްޓްހަމް