ޖިރޯނާ އެފްސީއިން ބާސެލޯނާ (ބާސާ) ސިއްސުވާލުމަށްފަހު ލަލީގާ ޓޭބަލްގެ އެންމެކުރިން ޖާގަ ހޯދައިފިއެވެ.
މިއީ ޖިރޯނާ އިން ނިމިދިޔަ ސީޒަނުގެ ޗެމްޕިއަން ބާސާ ބަލިކުރި މިފަދަ ފުރަތަމަ މެޗެވެ. މި މެޗަށްފަހު 41 ޕޮއިންޓާއިއެކު ރެއާލްމެޑްރިޑް ފަތަށް ޖައްސާލައި ޖިރޯނާ ވަނީ ވަނީ ރަނގަޅަށް ހަމަޖެހިލާފައެވެ. ދެވަނައިގައި އޮތް ރެއާލް އަށް ލިބިފައިވަނީ 39 ޕޮއިންޓެވެ.
ބާސާ އޮތީ މިހާރު 34 ޕޮއިންޓާއިއެކު އޮތީ ޓޭބަލް ހަތަރު ވަނައިގައެވެ. ޕޮއިންޓުގެ ގޮތުން އެއްވަރެއްގައި އޮތް އެތްލެޓީކޯ މެޑްރިޑް އޮތީ ބާސާއަށްވުރެ ކުރީގައި، ޓޭބަލްގެ ތިންވަނައިގައެވެ.
ރޭގެ މެޗުގައި ފުރަތަމަ ގޯލުޖެހީ ޖިރޯނާއިންނެވެ. އެއީ 12 ވަނަ މިނެޓުގައެވެ. އޭގެ 7 މިނެޓްފަހުން ލެވަންޑޯސްކީ ވަނީ ބާސާއަށް ގޯލެއް ޖަހައިދީފައެވެ.
ފުރަތަމަ ހާފް ނިމެން އުޅެނިކޮށް ޖިރޯނާ އަނެއްކާވެސް ލީޑް ހޯދިއެވެ. މެޗް ނިމުނީ 4-2 ގެ ނަތީޖާއަކުން ޖިރޯނާ ބާސާގެ މައްޗަށް ކުރި ހޯދައިގެންނެވެ.
