އާސެނަލް މޮޅުނުވެ ގިނަދުވަސް ތަކަކަށްފަހު ކްރިސްޓަލް ޕެލަސް އަތުން 5-0 އިން މޮޅުވެ ޕްރިމިއާ ލީގުގެ ތިން ވަނަ އަށް އަރައިފިއެވެ.
ކޯނަރަކުން ގެބްރިއަލް ބޮލުން ޖެހި ގޯލާއި ޑީން ހެންޑަސަންގެ އަމިއްލަ ގޯލުން ފުރަތަމަ ހާފުގައި މިކެލް އާޓެޓާގެ ޓީމު ކޮންޓްރޯލް ކުރިއެވެ. 59 ވަނަ މިނެޓްގައި ލިއަންޑްރޯ ޓްރޮސާޑް ވަނީ ލީޑު އިތުރަށް ފުޅާކޮށްފައެވެ.
ބަދަލު ކުޅުންތެރިޔާ ގެބްރިއަލް މާޓިނެލީ ވަނީ އިތުރު ވަގުތުގައި ގާތްގަނޑަކަށް އެއްގޮތް ދެ ލަނޑު ޖަހައި ލީޑް އިތުރުކޮށްދީފަ އެވެ.
އާސެނަލްގެ މި މޮޅާއެކު ހުރިހާ މުބާރާތަކުން ޖެހިޖެހިގެން ތިން މެޗުން ބަލިވުން ނިމުމަކަށް ގެނަސްފައެވެ. އާސެނަލް މިހާރު ވަނީ އެސްޓަން ވިލާ އާއި ޗެމްޕިއަން މެންޗެސްޓާ ސިޓީއާއި ޕޮއިންޓްގެ ގޮތުން އެއްވަރުވެފައެވެ.
ކްރިސްމަސް ދުވަހުގެ ކުރިން ޕްރިމިއާ ލީގުގެ އެއްވަނާގައި އޮތް ނަމަވެސް ލީގުގެ ފަސް މެޗުން އެއް މޮޅާއެކު ޗެމްޕިއަންކަން ހޯދުމުގެ ޗެލެންޖް ހުއްޓިފައިވާ އާސެނަލްއަށް ފާއިތުވި ހަފްތާތަކަކީ މާޔޫސްކަން ލިބުނު ހަފްތާތަކެކެވެ.
